Shërbimi Logopedik
Klasa e logopedisë për ndërhyrje të hershme: Këtu punojmë me fëmijët që sapo kanë filluar të thonë fjalët e para ose që ende nuk e kanë zhvilluar të folurin. Qëllimi është të nxisim shfaqjen e gjuhës së parë, zhvillimin e fjalorit bazik, përdorimin funksional të fjalëve për të komunikuar nevojat, si dhe zhvillimin e aftësive paragjuhësore (kontakti me sy, vëmendja e përbashkët, imitimi vokal).
Klasa e logopedisë për zhvillim të komunikimit social-pragmatik: Në këtë klasë janë fëmijët më të avancuar, të cilët tashmë kanë gjuhë funksionale, por që kanë nevojë të punojnë në aspektet sociale të komunikimit. Këtu trajtohen aftësi si: mbajtja e një bisede, ndryshimi i temës në mënyrë natyrale, kuptimi i gjuhës figurative dhe i nuancave, leximi i shenjave joverbale, përshtatja e të folurit sipas kontekstit dhe bashkëbiseduesit.