Skip to main content

autizmi.net

Menu
DHURONI TANI

Avokim

Përmes avokimit, ndërgjegjësimit, hulumtimit dhe bashkëpunimeve strategjike, ne tash e 15 vite angazhohemi për të promovuar të drejtat, përfshirjen dhe mundësitë e barabarta për personat me autizëm. Puna jonë fokusohet në rritjen e njohurive në komunitet, fuqizimin e zërit të familjeve dhe krijimin e një shoqërie më gjithëpërfshirëse, ku çdo person me autizëm pranohet, respektohet dhe mbështetet.
  • Avokim dhe Projekte

Duke sjellë ndryshime për autizmin në Kosovë

Përmes një qasjeje gjithëpërfshirëse dhe shumëdimensionale, angazhohemi për të përmirësuar cilësinë e jetës së personave me autizëm dhe familjeve të tyre. Duke kombinuar shërbimet profesionale, mbështetjen për familjet, ndërgjegjësimin dhe bashkëpunimin me komunitetin, synojmë të krijojmë mundësi më të mira për zhvillim, përfshirje dhe pjesëmarrje aktive në shoqëri.

Avokim

Angazhohemi për mbrojtjen dhe promovimin e të drejtave të personave me autizëm në nivel lokal dhe kombëtar, duke kontribuar në krijimin e politikave më gjithëpërfshirëse, përmirësimin e qasjes në shërbime dhe garantimin e mundësive të barabarta në të gjitha fushat e jetës, si: arsim, shndetësi, çështje sociale, punësim dhe pjesëmarrje shoqërore.

 Fushat kryesore të angazhimit përfshijnë: 

  • Promovimin e reformave për arsim gjithëpërfshirës, me synim krijimin e një sistemi arsimor që mbështet nevojat individuale të çdo fëmije. 
  • Avokimin për zbatimin dhe avancimin e legjislacionit që garanton të drejtat, nevojat dhe mbrojtjen e personave me aftësi të kufizuara.
  • Përfaqësimin në mekanizma dhe komitete relevante, duke kontribuar në hartimin dhe përmirësimin e politikave publike lokale dhe qeveritare. 
  • Zhvillimin e kapaciteteve për avokim në komunitet, përmes trajnimeve dhe fuqizimit të familjeve dhe aktorëve lokalë.

Fushata ndërgjegjësimi

Përmes fushatave publike, angazhimit në media dhe aktiviteteve komunitare, punojmë për të rritur njohuritë dhe mirëkuptimin për autizmin, për të reduktuar paragjykimet dhe për të promovuar një shoqëri më të informuar dhe gjithëpërfshirëse në mbarë Kosovën. 

Aktivitetet tona përfshijnë: 

  • Organizimin e aktiviteteve për Ditën Botërore të Ndërgjegjësimit për Autizmin, me qëllim rritjen e vëmendjes publike dhe promovimin e pranimit. 
  • Zhvillimin e programeve informuese në shkolla dhe qendra të Mjekësisë Familjare, Policinë e Kosovës  media, për të nxitur mirëkuptimin dhe përfshirjen e personave me autizëm. 
  • Fushata ndërgjegjësimi në rrjetet sociale dhe platformat publike, video vetëdijësuese etj që kanë për qëllim për shpërndarjen e informacionit të saktë mbi autizmin. 
  • Seminare dhe punëtori publike, të dedikuara për familjet, profesionistët dhe komunitetin. 

Kërkim

Përmes kërkimit dhe analizimit të të dhënave, synojmë të kuptojmë më mirë nevojat, sfidat dhe mundësitë për mbështetjen e personave me autizëm dhe familjeve të tyre në Kosovë. Gjetjet nga proceset kërkimore kontribuojnë në zhvillimin e ndërhyrjeve të bazuara në evidencë, përmirësimin e shërbimeve ekzistuese dhe hartimin e rekomandimeve për politika më efektive dhe gjithëpërfshirëse. 

Fushat kryesore të angazhimit përfshijnë: 

  • Studime për vlerësimin e nevojave, me fokus në identifikimin e kërkesave dhe sfidave të komunitetit të autizmit. 
  • Analizimin e boshllëqeve në ofrimin e shërbimeve në komuna të ndryshme, për të identifikuar mundësitë për përmirësim dhe zgjerim të mbështetjes.
  • Angazhimin në punëtori, tryeza, seminare, për të kontribuar në hartimin e politikave lokale apo nacionale për personat me autizëm. 
  • Bashkëpunimin me universitete dhe institucione kërkimore, për zhvillimin e hulumtimeve profesionale dhe shkëmbimin e njohurive. 
  • Publikimin e gjetjeve dhe raporteve, me qëllim informimin e profesionistëve, institucioneve dhe komunitetit të gjerë. 

Partneritete

Besojmë se bashkëpunimi dhe partneritetet strategjike janë thelbësore për krijimin e ndryshimeve të qëndrueshme në mbështetjen e personave me autizëm dhe familjeve të tyre. Përmes bashkëpunimit me organizata lokale dhe ndërkombëtare, institucione publike dhe sektorin privat, synojmë të zgjerojmë mundësitë, të shkëmbejmë ekspertizë dhe të forcojmë kapacitetet për ofrimin e shërbimeve dhe promovimin e përfshirjes sociale. 

Fushat kryesore të bashkëpunimit përfshijnë: 

  • Bashkëpunime me organizata joqeveritare ndërkombëtare, për shkëmbim përvojash, zhvillim projektesh dhe promovim të praktikave të mira.
  • Partneritete me institucione qeveritare, për të kontribuar në përmirësimin e politikave dhe shërbimeve për personat me autizëm. 
  • Programe të përgjegjësisë sociale të korporatave, për të mobilizuar mbështetjen e sektorit privat në komunitet. 
  • Shkëmbim të njohurive dhe përvojave ndërkufitare, për të sjellë modele dhe qasje të reja në fushën e autizmit.
  • Projekte

Projektet aktuale

Iniciativa aktive që sjellin ndryshime reale në komunitetin e autizmit në mbarë Kosovën.

Iniciativa për Arsim Gjithëpërfshirës

Duke bashkëpunuar me Ministrinë e Arsimit për të integruar fëmijët me autizëm në shkollat e rregullta, duke siguruar sisteme të përshtatshme mbështetëse.

Programi i shqyrtimit të hershëm

Trajnimi i profesionistëve të kujdesit shëndetësor në mbarë Kosovën për të identifikuar shenjat e hershme të autizmit, duke mundësuar ndërhyrje në kohë.

Rrjeti i mbështetjes komunitare

Ndërtimi i një rrjeti të grupeve mbështetëse për prindër në të gjitha komunat për të ndarë burime dhe përvoja.

Praktikat më të mira ndërkombëtare

Duke bashkëpunuar me organizata evropiane për të sjellë në Kosovë metoda të provuara të mbështetjes për autizmin.

Bashkohuni me misionin tonë

Çdo kontribut ka rëndësi në krijimin e mundësive më të mira për personat me autizëm dhe familjet e tyre. Përmes vullnetarizmit, mbështetjes financiare, partneriteteve apo shpërndarjes së informacionit, secili prej nesh mund të kontribuojë në rritjen e ndërgjegjësimit, fuqizimin e komunitetit dhe krijimin e ndryshimeve të qëndrueshme. Së bashku mund të ndërtojmë një shoqëri më gjithëpërfshirëse, ku çdo person me autizëm ka mundësi të zhvillohet, të përfshihet dhe të realizojë potencialin e tij.
Angazhohuni